Fleire Miljøløftet-prosjekt fekk pengar i statsbudsjettet
I forslaget til statsbudsjett er det lagt inn pengar til nye prosjekt i både Øygarden, Alver, Bjørnafjorden og Bergen.
Forslaget til statsbudsjett ble lagt fram av Regjeringa onsdag 15. oktober, og der var det fleire gode nyheiter sett med Miljøløftet-auge.
I statbudsjettet ligg det nemleg pengar til å starte opp fleire av prosjekta i Miljøløftet sitt handlingsprogram. Det gjeld prosjekt i både Øygarden, Bjørnafjorden, Alver og Bergen.
Askøy hadde ikkje spelt inn nokre prosjekt i handlingsprogrammet med planlagt oppstart til neste år. Til gjengjeld ble prosjektet på Myrane på Askøy nyleg ferdigstilt, og markert med ei storstilt opning i juni.
Desse prosjekta er med i forslaget til statsbudsjett:
Øygarden:
Bjørnafjorden:
- Ferstadvegen
- Snarvegar Osøyri
- Sykkelparkering
- Etablering av trafikksikker- og attraktiv GS-løysing langs Hatvikvegen
Alver:
- Knarvikplanen, gang- og sykkelveier
- Utbedring av Sagstadvegen i tidl. Meland kommune
- Leknesveien
- Ostereidet/Lindsdalen
Bergen:
- Johan Berentsens vei - etablering av fortau
- Trafikktiltak Nygårdstangkrysset/Fjøsangerveien
- Sykkelstamveg, delstrkning 2: Nesstun-Skjold
- Sykkelstamveg, delstrekning 6: Bradbenken-Glass Knag
Ikkje alle prosjekt får pengar
Handlingsprogrammet i Miljøløftet er eit dokument som viser kva prosjekt partane ønsker å prioritere dei neste fire åra. Men sjølv om eit prosjekt er med i handlingsprogrammet, er det ikkje garantert at det kan starte opp til planlagt tid.
Det er fordi prosjekta også er avhengig av å få tildelt midlar gjennom statsbudsjettet. Handlingsprogrammet fungerar som Miljøløftet sitt innspel til staten om kva prosjekt vi ønsker at skal få midlar.
I forslaget til statsbudsjett som no er lagt fram, er det løyva pengar til nesten alle prosjekta vi spelte inn for 2026. Dei einaste to prosjekta som står i handlingsprogrammet for år 2026, men som ikkje får midlar i statsbudsjettet, er "Oppgradering av haldeplassar E39 Bjørnafjorden" og "Ytre Arna–Breistein, sammenkobling av gangveier".
Må bli vedtatt i Stortinget først
Det som no er lagt fram er berre eit forslag til statsbudsjett frå Regjeringa. Statsbudsjettet må bli vedtatt i Stortinget før det blir endeleg.
Det er forventa at statsbudsjettet blir vedtatt i desember.
Viss forslaget står seg med desse prosjekta inne i budsjettet, kan vi sjå fram til fleire nye spadetak til neste år.
Foto: Anders Kjetland